العنيده

حتى بعتلى رساله
كان نفسي اقوله انى انهارده قريت الفاتحه بينى وبين نفسي ودعيت ربنا يحققلى اللى بتمناه ويريح قلبى ويباركلى فيك. .
كان نفسي فى حاجات كتير اوى بس معرفش ده حظى الۏحش وللا انا اللى طبعى وحش وللا يكون فعلا عمرو مش كويس ويكون ده نصيبى وخلاص. ..
.....
نادوا عليا ماما ومروه واريج ومراة عمى عشان اقعد معاهم. 

بس انا ماكنتش قادره
دخلت اوضتى وقفلت الباب وفضلت اعيط كتير اوى. 
كنت مخنوقه وحاسه إن روحى بتطلع
فضلت كتير اوى اعيط لحد ما طاقتى خلصت وحتى بعد ما مروه دخلتلى لقيت نفسي بعيط بزيادة
وفضلت هى تهدى فيا بس انا نفسي مابقتش عارفه مالى. .
حرام عليكى والله. 
ليه يا بنتى كل ده !!
ده عمرو والله عريس تتحسدى عليه. 
ما شاء الله ربنا يباركلكم سوا. 
اعقلى يا مرام وماتبوظيش كل حاجه و ترجعى تندمى. 
وبعدين خاېفه ايه والكلام الفاضي ده 
عمرو تقريبا متربي هنا فالبيت. عارفينه كويس. يعنى مفيش داعى للخوف يا حبيبتى. .
ومين قال إن طبعك مش هيعجبه. طيب ده إنت على كلامك كده انك اديتيله كلام صعب فالبلكونه وعاندتى عالاخر وطلبتى انه ينهى كل حاجة يعنى قولتيله مش عوزاك تقريبا. 
والكل شافك وانت مش بتقرى الفاتحه معانا. وقاعده مكشره وسرحانه ولا همك الللى بيحصل 
يعنى شاف منك العند والمكابره وعدم سمع الكلام وقلة الأدب كمان اهه والراجل لسه فضل يحاول يداديكى ويصالحك. .
يعنى طباعك ماطفشتهوش اهه. .
مع إن اصلا انت مش وحشه للدرجادى يا مرام. 
ده إنت اكتر واحده هنا فالبيت بتحبي الفرفشه والمقالب والرومانسيه والكل بيقول انك عندك ذكاء اجتماعى وبتعرفى تتصرفى لوحدك فى مواقف كتير. 
ده حتى باباكى برغم طبعه ده. انت اللى بتعرفى تتعاملى معاه صح. 
ده أريج أيام خطوبتها وحتى بعد جوازها كانت بتنفذ تعليماتك انت بالحرف الواحد. 
تتكلم معاه اذاى. 
تقوله ايه 
تدلع عليه امتى. 
تحضرله مفاجآت شكلها ايه. 
الرسايل تكتبها اذاى. 
ده إنت اللى كنتى بتاخدى منها الفلوس وتشتريله الهدايا. 
ولما نزلنا معاها هى ومامتك كام مره نجيب جهازها كنت إنت اللى فينا اللى بتنقى اللانجريهات وهدوم البيت وكنت ب تنقى حاجات مامتك نفسها قالت إنها مش هتعرف تنقى ذيك كده. لدرجة إننا فضلنا نتريق عليكى وقتها ونقول انك هتدلعى جوزك وعمره ما هيبص برا. .
ده الكام خڼاقه اللى حصلت بين اريح ووليد انت اللى كنت بتتصرفى. 
تقومى بقي تيجى عند خطوبتك وتعملى كده !!
والله العظيم ده شيطان وللا يمكن تبقي عين حد حسدتك. .
انا تعبانه أوى يا مروه. 
حيرانه ومتلخبطه وشايفه كل الدنيا سودا قدامى. 
والله يا مروه قبل ما اقابله ببقي بفكر انى ابدأ معاه من جديد واهدى كده واحاول ارجع لطبيعتى. 
بس معرفش ايه اللى بيحصل بعد كده. 
بتعصب وبلاقى نفسي متضايقه أوى. 
و أى حاجه بيعملها ولا أى كلمه يقولها بتجننى. .
اعمل ايه يا مروه قوليلى 
_ لا حول ولا قوة الا بالله العلي العظيم. ..
...وفضلت مروه ترءينى وتحاول تهدينى بالكلام 
وشويه و موبايلى رن. 
وكان رقم غريب. .
مرام ده ممكن يكون عمرو يا مروه 
والله !
عرفتى اذاى 
انا بتوقع بس. لأنه كان قاللى إنه هيتصل بيا لما يروح بس انا ماديتلوش الرقم ذى ما حكيتلك. .
طيب يللا ردى عليه 
.........مش هقدر يا مروه دلوقتى خالص. 
احنا قلنا ايه يا بنتى !
مش اتفقنا نعقل شويه ..
وادى كمان الاتصال خلص. عجبك كده 
يا مروه انا صوتى هيبقي كله عياط واصلا صوتى رايح خالص 
ده غير انى حاسه إنى لسه متلخبطه ومش عارفه أعمل إيه . .
اهو بيتصل تانى. ردى بقي يا سيتى ده إنت بقيتى ممله وكءيبه والواد هيطفش منك. ..
_. .....بس انا لسه مخصماه ولسه قلبى مش مستريح . هكلمه اذاى بقي 
واتعامل معاه اذاى وهو تقريبا خطبنى وهو متأكد انى مش موافقه. 
قعد قدامى يقرأ الفاتحه وهو مبسوط أوى وكأنه بيغظنى ويقولى هعمل اللى انا عايزه مهما كان رأيك 
صوره تانيه من بابا ومن أحمد ابن عمك. 
ياااااربيييييييي. ....ده إنت مصېبه ولا ماثر فيكى حاجه خالص. 
براحتك يا مرام .اعملى اللى فدماغك وطفشيه بس ماتبقيش ترجعى تعيطى .
.......يا بنتى افهمى. انا والله مقتنعه بكلامك.
بس مش واثقه فيه خالص. 
و زعلانه منه أوى عشان نفذ اللى فدماغه فالاخر. 
لكن انا ذى العاده المفروض أرضي بالأمر الواقع. 
هفضل كده طول عمرى يا مروه 
استغفر الله العظيم. 
الراجل بيحبك يا متخلفه .
فرحان عشان أخيرا اتنيل وخطبك مش عشان بيعاندك. 
والله العظيم هتخلينى اقول ان أحمد عنده حق وإن عمرو خساره فيكى. 
ده إنت دماغك دى مصېبه. ..........بټعيطي ليه تانى دلوقتى 
عشان محدش حاسس بيا. اطلعى برا يا مروه. انا مش عايزه حد معايا
طبعا مادى اخرتها. 
شكرا أوى والله. 
انا همشي وخليكى كده براحتك 
....
وسابتنى وأنا بقي عياطى اكتر من الاول 
.......
وبعدها ب شويه عمرو بعتلى رساله يقولى إن ده رقمه وانى أرد عليه. ..
وطبعا انا ماردتش. ...
ردى يا مرام عشان عايزك فحاجه مهمه 
طيب ردى ونكمل خناق عادى عشان ترتاحى 
بقيت ببص عالرسايل وقراها من غير اى إحساس خالص. 
وهو تقريبا يأس وبطل يبعت رسايل تانيه. .
ومابقتش انا بفكر فى حاجه غير انى عايزه اعمل حاجات تضايقه. تخليه يتوجع ويتعب ذى ما أنا تعبانه بدل ما هو فرحان أوى كده بإنه نفذ اللى عايزه. .
قفلت الموبايل خالص. .
ومع إن بابا رافض تماما إن خطوط الموبايلات تبقي ب اسامينا احنا البنات. وكل خطوطنا ب اسمه أو اسم حد من اخواتى الولاد. بس انا ماكنتش عايزه حد يعرف رقمى الجديد ولا كنت عايزه حد يعرف انى هجيب خط جديد واقفل بتاعى. ..
نزلت تانى يوم اشتريت خط ب اسمى ..
واللى ساعدنى على الفكره دى انى خلصت الكليه يعنى بابا مش هيحتاج يتصل بيا الكام يوم دول لحد ما اعمل اللى فدماغى واضايق عمرو. وبعدها ابقي أشغل الخط تانى
وماما بالليل جت بلغتنى إننا هنشترى الشبكه بعد يومين. .
والله كتر خيرهم انهم افتكروا يبلغونى ......
وقلت لنفسي أحاول اضايق بابا شويه. 
ف روحت ل بابا وقلتله إنى ماعنديش لبس مناسب وكويس. وكله بقي قديم وفى كتير من اللبس مليان بقع وشكله وحش. .
و ذى ما توقعت. نزلنا انا وهو وماما. وفضلنا نلف كتير عشان نلاقى حاجه. 
وتانى يوم كمان نزلنا نكمل. ..
واول ما روحنا البيت لقينا د عبير مامة عمرو بتتصل على تليفون البيت. .
دخلت اوضتى وسبت ماما بتتكلم معاها. .
وشويه وماما جت تقولى أخرج اكلمها لانها عايزه تسلم عليا. .
طبعا انا رايحه اكلمها وأنا متأكده إن عمرو جنبها وعايز يكلمنى. .
أذيك يا حبيبتى. عامله ايه 
الحمد لله. .أخبار حضرتك ايه للأسف انا بحب الست دى برغم كل اللى حصل. تحسوا إن الطيبه بتنقط من كلامها ....
_ الحمد لله يا حبيبتى. .
ماما قالتلك إننا هننزل بكره للشبكه مش كده 
أحم. ...آه بلغتنى. .
ألف مبروك يا بنتى. ربنا يتمهالكم على خير. .
.........شكرآ. الله يبارك فى حضرتك. .
عمرو هيكلمك دلوقتى لأنه بيقولى مش عارف يوصلك لأن موبايلك فاصل تقريبا..
........اوك ماشي 
...............................................مرام 
........صوته فالتليفون له احساس مختلف تماما......أيوه 
لسه عندي شويه من النوايا الحسنة وهسالك إن كنتى قفلتى موبايلك عشان معرفش اوصلك. وللا حظى انا اللى وحش والموبايل باظ فالوقت ده بالذات 
..........................
_ تمام. .يعنى إنت قفلتى موبايلك. ........طيب ليه كل ده 
وللا بلاش ليه عشان بتعصبك. .هقولك انى فاهم زعلك وسببه. .بس بعتلك وقلتلك نتكلم وتردى عليا واتخانقى معايا براحتك. واسمعينى وأنا كمان اسمعك عشان نوصل لحل. وأنا عمرى ما تخيلت انك ليكى فحركات العيال دى ..
ليه نبدأ سوا بالشكل ده 
.....ممكن تتكلم من غير عصبية 
_ افندم !
ده اللى جه فبالك تقوليه ردا على كلامى وعلى عمايلك 
...........افتحى موبايلك يا مرام. وخلينا نحل مشاكلنا ذى الكبار العاقلين. .مع انى اصلا مش شايف مشاكل. بس هحترم زعلك وهحاول معاك وبإذن الله ربنا هيهديكى ليا. .بس ده هيبقي على طريقتى انا يا مرام. مش الطريقه العيالى بتاعتك دى. ..وحابب ابلغك انى صبور جداااااا بس انت عندك قدره غريبه تستفذينى بيها وتستهلكى صبرى ده. 
يللا ذى الشاطره روحى افتحى موبايلك. بس ما تستنيش انى اتصل بيكى انهارده عقاپا لحضرتك. .
هكلمك بكره بإذن الله بعد ما نشترى شبكتنا ..
يللا سلام يا جميله عشان ورايا حاجات كتير. .
.....
والله العظيم شلت التليفون ورميته عالارض من كتر ما كنت متغاظه و دمى محروق. .
ولما ماما جت مخضوضه من الصوت قلتلها انه وقع ڠصب عنى. .
وكنت هنفجر من الغيظ. ...........
العنيدة قصة حقيقية بقلم سماح سماحه
قفلت التليفون واخدت الجهاز رميته عالارض. 
كنت متعصبة ومتغاظه وكان عندى ميول انى اعمل چريمه. 
ماما جت مخضوضه من الصوت قلتلها انه وقع ڠصب عنى. .
طبعا هى ماصدقتنيش بس مش مهم. 
ماهو لازم كنت اطلع اللى جوايا فى أى حاجه بدل ما اڼفجر. .
دخلت اوضتى وطبعا انى اسمع كلامه واشغل خط الموبايل ده كان حاجه مستحيله. 
أكيد يعنى مش هسمع كلامه وخصوصا وهو بيقوله بالطريقه دي. 
مغرور وشايف نفسه وبيدى أوامر وبينهى المكالمه على مزاجه. .
ولسه اكيد ما خفى كان أعظم...
المشكله إن الغرور والثقه الزايده فالنفس دى صفات انا بحبها فالرجاله. بس معرفش ليه كل حاجة خاصه ب الأخ عمرو ده بتعصبنى. .
وبردوا عجبنى انه برغم اللى انا عملته هو فضل ماسك نفسه ومتحكم فى أعصابه معايا. 
آه صحيح اتعصب شويه بس لو كان مصطفى خطيبى السابق مكانه كان زمانه بهدلنى وراح حكى ل بابا كمان. .
وفضلت انا طول الليل اراجع المكالمه فدماغى. 
وأفكر فى عمرو وفكلامه وطريقته واللى حصل واللى لسه هيحصل و.............
وقبل ما انام كان نفسي أشغل الخط عشان أكلم مروه اصالحها بس اضطريت استنى للصبح عشان مابقاش بنفذ كلام سي عمرو. .
وأول ما صحيت شغلته وطبعا لقيت رسايل ب المكالمات اللى جاتلى وأنا قافله الخط. 
وجاتلى رسايل من رقم عمرو. .
الرسايل فالأول كانت عن أنه مش عارف يوصلى وانى اكلمه لما اشحن الموبايل ورسايل انه فهم انى قافله الموبايل ..
اتصلت ب مروه واتصالحنا. .
وبعد ما قفلت معاها ب شويه اتصل عمرو. .
طبعا انا كنت متوقعه الاتصال ومستنياه كمان. ..
_ ممممممممممم. غريبه انك رديتى والله 
وبصوت كله دلع وسهوكه رديت ..ممممممممممم مممم. .....وعليكم السلام ورحمة الله وبركاته 
يا سلااااام. .ده الجميل شكله رايق اهه وبيهزر. .
وكملت كلامى بنفس الدلع ..انا مش بهزر. انا برد السلام اللى انت ماقلتهوش. 
وبعدين ايه الجميل دى !
ماينفعش تقولى كده على فكرة 
ليه بقي ماينفعش 
عشان اكيد انا مش بسمح لأى حد غريب يقولى كلام ذى ده 
مين حضرتك اللى غريب !
إنت 
والله ! ..وبالنسبه للشبكه اللى نازلين نشتريها بعد كام ساعه 
وبالنسبة للفاتحه اللى اتقرت من كام يوم دى. .واللى عمرى ما هنسهالك انك ماقريتيهاش معانا ...
ذى بردوا