اسكريبت جديد بقلم شروق خليل
انت في الصفحة 1 من 7 صفحات
ندا بدون وعي و عدم فهم انت عملت ايه ! احنا عملنا كدا ليه انت اتجوزتنى ليه
معتز صعبتى عليا
ندا صعبت عليك و لا صعبت عليك نفسك ! زعلت على نفسك علشان حبيبتك هربت مع خطيبي في يوم فرحي !
معتز بلا مبالاه مين قالك أنها حبيبتى انا مبحبهاش
ندا اومال خطبتها ليه !
معتز امى كانت عاوزه كدا
ندا اومال اتجوزتنى ليه
معتز شفتك قاعده هتموتى من قهرك و انت بتشوفي كل الناس قاعده بتسأل فين عريسك و أنه هرب مع واحده تانيه قلت بما أنه هرب مع خطيبتى اتجوزك و منها قول لامى انى اتجوزت و ارتاح من الزن عليا في الحوار دا
معتز حاول يغير الموضوع الاوضه بتاعتنا دى يلا علشان عاوز انام
ندا بتاعتنا ! دا على أساس هننام سوا و كدا !
معتز مفيش غيرها جاهزه مش مېت في دباديبك انا ع تخافي منك تصبحي على خير و مش عاوز وش
معتز دخل من غير ما يديها اى اهتمام و لا يسمع كلامها
في اليوم التانى
الجرس كان بيرن جامد و معتز و ندا نايمين و كانت رجل ندا على وشه و حالهم يضحك
معتز اتفزع و قام بسرعه على صوت الجرس و شال رجلها بقرف و رماها على السرير
البواب ايه يا استاذ معتز برن الجرس من صباحيه ربنا الله و
معتز مش وقتك عاوز انام ابقي تعالى كمان شويه
البواب بس الفطار
معتز قاطعه مش هاكل
ندا خرجت في الوقت دا و هى مش واخده بالها ماما ماما الساعه بقيت كام مش لاقيه موبايلي
البواب بص للى واقفه پصدمه و معتز كذالك ايوا قولي كدا بقي
ندا فاقت على صوته يحزنى انا فين
اسكريبت
بارت 1بارت 2
معتز طالعالى ببجامه و البواب هنا يا هانم
ندا استوعبت ايه دا معتز انت هنا صباح الفل يا غالي
معتز شدها من ياقه البجامه هههه لا انا هناك يا خفه
ندا بعدت عنه طيب بس سيب بس أنا نسيت اننا كدا يعنى و نديت على ماما علي اساس انى في بيتنا
ندا اتفهمت حاضر
معتز باباكى اكيد جاى دلوقتى هو و مامتك ادخلى البسي و شيلي اللى على وشك دا و طرحه الفستان اللى نايمه بيها دى
ندا اتحرجت و دخلت الاوضه و لبست و شالت الميكب و حطيت ميكب هادى جدا و فضلت في الاوضه لحد ما الباب خبط جريت و طلعت علشان تفتح
ندا جريت على عليا وحضنتها وحشتينى يا ماما
عليا مالك يا روحي تعالى
دخلوا و قعدوا و عادل فضل قاعد مع معتز و بيتكلم معاه
عادل معتز يابنى انا عارف إننا منعرفكش ولا انت تعرفنا بس انت نصرتنى امبارح و موطتش راسي قدام الناس و خدت بنتى و منعت الناس عن الكلام عنها
ندا كانت قاعده ساكته و عليا اتكلمت بدموع انا مليش غيرها يا معتز و احنا ناس ملناش في المشاكل بنتى عمرها
ما جابتلى مشكله
