حكايه جبروت الحموات بقلم ايات الرحمن
انت في الصفحة 1 من 6 صفحات
مفيش اكل غير لما سلفتك تيجي
_ايوه يا ماما بس انا جعانه والدنيا صيام وبعدين انا امبارح مااكلتش كويس ولا اتسحرت
انتي هتحكيلي قصة حياتك قولت مفيش اكل غير لما سلفتك ترجع لكدا لمفيش النهارده اكل خالص
جبروت_الحموات 1
_استوووب اعرفكم بنفسي انا ساجده ودي حماتي اسمها اميمه مش مهم عمري كام المهم حكايتي ولي حماتي بتعاملني كدا ومفضله سلفتي عليا
_سلفتي دي تبقي بنت اختها اخت البنت اللي كانت عايزه تزوجها لفريد
_اكيد طبعا بتسألوا زوجي فين من كل دا
فريد بيشتغل مهندس طول اليوم برا ومش بيرجع قبل العشاء وبما ان النهارده كان اول يوم في رمضان فهيرجع بدري شويه
_يعني بين المغرب و العشاء كدا وطبعا حماتي منعتني اكل برغم ان فضلت طول اليوم اطبخ والجو حر جدا علي ما خلصت كنت انتهيت واول يوم صيام دا بقي معروف عنه ان هو يوم تعب
_جهزت لكل واحد فيهم مايخصه وطلعته ليهم احنا كلنا عايشين في عماره وكل واحد ليه شقته وحماتي كمان بس هي مستكتره عليا الشقه فبتفضل معايا طول النهار وبتروح شقتها بالليل
ودي بقي كإنها ناااار وبتحب تعمل ليا مشاكل
_حماتي منعتني اكل وبدءت هي تااكل من اللي علي السفره ولما اجي اكل تتعصب عليا
_حسيت بدوخه فظيعه وصداع يعتبر مااكلتش من يومين
دوختي لي يا حبيبتي هتجيبي لابني الطفل اللي نفسه فيه وانتي حرماه منه
_لي بس يا ماما التجريح دا دي ارادة ربنا
ايوه هنقول قال الله وقال الرسول اسمعي يابت انتي قدامك السنه دي بس لو ماجبتيش ليا حفيد
_قومت وكلامها جارحني اوي وبصيت للسماء وقولت يارب انا تعبت ومش هقدر اسيب فريد ولا هقدر اشوفه مع غيري ودموعي نازله كنت مغمضه عيوني وبدعي ربنا نفسي اكون ام اوي لطفل من فريد
هو طيب اوي ومش شكل مامته نفسي صعبت عليا اوي ودموعي بقيت تنزل بغزاره لحد ما بقيت مش شايفه من كتر الدموع ولسه قلبي بيدعي قبل لساني انا عارفه حماتي قادره وتعملها
انا وفريد متزوجين من 3 سنين بس وفي خلالهم مفيش ولا مره ححححمل ولما روحنا للدكتور قال مسألة وقت وزي ما شوفتم حماتي مستعجله كإني متزوجه ابنها من 30 سنه
الدوخه بدءت تذيد والوقت بيمر وانا خلاص مش قادره وفريد كمان اتأخر دخلت وقولت ليها انا خلاص تعبت ومش قادره انا هجهز ليها فطارها في المطبخ ولما تيجي اسخنه تاني اما كدا هي شكلها مش جايه النهارده وتعالي نفطر احنا
قولت الكلام دا من هنا وهي ماسكتتش والبلكون والشباك مفتوح والناس بدءت تخرج من بلكوناتها علي صوت حماتي العالي وطبعا قالت كتير اوي ودفعتني وقعت علي الارض وقالت ليكي راجل لما ييجي لازم يترد عليه غوري من قداااامي
دخلت اوضتي وانا ببكي بحرررقه
