روايه ابنه البواب

ولاد مياده
ال انتي طول عمرك بتكرهيها
بس كل ال انتي بتحاول تعمليه علشان تبعدي البنات عني هيفشل ولو حاولتي مرة تانيه ټأذي واحده من بناتي واو تغصبيها على حاجه مش هيكون ليكي مكان بينا هنا يا داليا
كريم خرج من الاوضه وداليا فضلت بصاله وهي مش فاهمه هو ليه بيكلمها بالطريقه دي
زينب ركبت عربيتها وبصيت على العمارة ال ساكن فيها خالد بكره

زينب لحد اللحظه دي انت كنت بتشوف مني زينب ال حبيتك وال كانت مستعده تعمل اي حاجه علشانك وعلشان حبها ليك
بس من دلوقتي هتشوف مني الوش التاني
هتشوف ازاي انا اقدر انسي حبي ليك في لحظه واكون عدوتك
هتشوف زينب ال علشان اخواتها واهلها ال ممكن تضحي ب اي حاجه علشانهم
بعد انهارده عمرك مهتشوف يوم حلو في حياتك يا خالد
ودا وعد مني زي ما كنت عايز ټموت اخويا
انا هخليك تتمني المۏت ومش هنولهولك
زينب شافت تلفونها اتفتح
اخدته من على الكرسي ال جمبها وفتحت وقريت الرسالة ال اتبعتتلها
_مساء الخير
انا عارف اني اليومين ال فاتوا دول وحشتك فيهم
بس اعمل ايه ڠصب عني
كنت مسافر في شغل ومكنتش عارف افتح تلفوني ولا اكلمك فيهم
علي فكره انتي كمان وحشتيني اوي وكنت عايز اتكلم معاكي واحكيلك كل تفاصيل السفريه ال كنت فيها دي
بس انتي كمان لازم تحكيلي كل ال حصالك في اليومين دول بالحرف
واه صح
انا بحبك اوي
زينب قريت الرسالة وبعدين فضلت باصه للرقم ال بعتلها الرساله وهي مش عارفه هو مين
رقم بقاله شهر بيكلمها وكل ما تعمل للرقم دا حظر رقم جديد بيكلمها وصاحب الرقم رافض انه يقولها هو مين
زينب بدات تتعود على الرسايل ال بتيجي من الرقم دا
ساعات بتفرح لما الرسايل دي تتبعتلها ولو صاحب الرقم دا مبعتلهاش رساله في يوم بتزعل
حاولت تدور على صاحب الرقم دا وتعرف هو مين بس معرفتش توصل ل حاجه
زينب رميت التلفون جمبها على الكرسي وساق عربيتها
كريم فتح اوضه في الفيلا ودخل وقفل الباب وراه وفتح النور
الاوضه كانت كلها تراب
كريم فضل يكح كتير
كريم طلع منديل من جيبه وحطه على وشه
فضل يبص على الاوضه من كل حته بحزن وزعل
كل حاجه كانت في الاوضه متغطيه بملايات والتراب كان في الاوضه كلها
قرب من اللوحه ال قدامه وشال الملايه ال عليها وفضل باصص للرسمه
رسمه فيها شاب واقف على ركبته وفاتح علبه فيها خاتم وقدامه بنت صغيره مبسوطه جدا وبتضحك
كريم فضل باصص على اللوحه بحزن وبدا يكلم نفسه
كريم يا تري انتي فين يا مياده
قلبي بيقولي انك عايشه بس مش قادر اوصلك ولا اعرف انتي فين
الحياه بقيت وحشه اوي من غيرك
انا بقيت عامل زي المېت من غيرك روحي راحت مني بعد ما عرفت الحقيقة
مبقتش قادر اعيش من غيرك
انا السبب في انك تضيعي مني
بس انا مش هسكت غير لما ترجعيلي يا مياده
لو هلف العالم كله علشان اجيبك هعمل كده
كريم سمع صوت زعيق
كريم بص على الباب وغمض عينه ورجع بص للوحه تاني وغطاها وخرج من الاوضه وقفلها تاني ب المفتاح ونزل يشوف في ايه
داليا انت شكلك اټجننت يا مصطفى
كريم وهو نازل على السلم في ايه صوتكم
عالي ليه
مصطفى مفيش يا بابا كل دا علشان قولت ل ماما اني عايز اتجوز
كريم تتجوز!
مش لما تبقي تخلص تعليمك الاول
ويا تري مين بقي العروسه
مصطفى سكت
داليا مترد سكت ليه
ابنك المحترم عايز يتجوز الشغاله ال اسمها حياه
حياه كانت قاعده في البلكونه على الكرسي ومرجعه راسها ل ورا وباصه للسما
تلفونها رن
حياه اخدت التلفون من على الترابيزه ال قدامها وبصيت فيه وكانت نور
حياه غمضت عينيها وقفلت تلفونها خالص ورجعت تبص ل السما تاني
فاطيمه جات
فاطيمه حياه
حياه قامت وقفت وبصاتلها
حياه ايوه يا مرات عمي
فاطيمه مداتلها ايديها بظرف مسكي يا حياه الظرف دا عمك سابهولك قبل ما ېموت وقال محدش يفتح غيرك
حياه اخدته منها ب استغراب ظرف ايه دا يا مرات عمي
فاطيمه مش عارفه يا بنتي هو قالي محدش يجي جمبه غيرك
الباب خبط
فاطيمه دا اكيد كامل انا هروح افتحله
فاطميه سابت حياه ومشيت
حياه بصيت للظرف ب استغراب وفتحته ولاقيت في جواب
حياه فتحت الجواب وبدات تقراه واټصدمت من ال
قراته
تالا كانت لابسه وخارجه وبتفح باب الفيلا بتاعتها ولاقيت في وشها حور
حور مساء الخير
تالا مساء النور
مين حضرتك
حور مش حضرتك الانسه تالا
تالا ايوه انا خير
حور ب ابتسامه انا حور النجار
حبيبه قدر
خطيبك
الفصل الثالث عشر
بسم الله الرحمن الرحيم
فاطميه فتحت الباب ل كامل
كامل سلام عليكم يا امي
فاطيمه وعليكم السلام يا ابني
طمني عملت ايه
كامل ولا حاجه اخدوا مني ال c v وقالولي هنبقي نكلمك
فاطميه خير أن شاء الله يا حبيبي
كامل هي حياه نامت ولا ايه
فاطيمه لا حياه صاحيه وقاعدة في البلكونه
ادخلها يا كامل علشان عايزاك في موضوع مهم
كامل موضوع ايه دا يا امي
فاطيمه حياه هتحكيلك
انا هدخل احضرلكم الغدا عقبال متخصلوا كلامكم
فاطيمه سابت كامل ودخلت المطبخ
كامل قرب من البلكونه ودخل لحياه لاقي حياه قاعده على الكرسي وباصه قدامها وساكته كامل سند على الحيطه وحط ايده في جيبه
كامل امي قالتلي انك عايزاني
كامل في ايه يا حياه مالك
وايه ال في ايدك دا
حياه بصيت ل الجواب وقامت وقفت
حياه مفيش يا كامل
اصل اصل
اصلي كان بقالي مده مبروحش الجامعه ف الجامعه بعاتتلي على الفيلا جواب انذار انهم هيرفضوني لو غيبت تاني
كامل والجواب دا جالك هنا ازاي
حياه ها
ااه
اصل نور جاتلي هنا الصبح وجابتهولي
كامل كده بردو يا حياه
انتي عايزه تضيعي اخر سنه ليكي
غيابك دا
مكانش ليه داعي يا حبيبتي
حياه معلش يا كامل بقي
يومين كده هرجع اروح الجامعه من تاني
بس نور تجيبلي هدومي وكتبي بس وانا هرجع الجامعة تاني
كامل وانتي لسه هتستني يومين
انا هروح دلوقتي واجبلك حاجتك كلها
حياه تروح فين دلوقتي يا كامل
استني بكره طيب ونروح مع بعض
كامل وتضيعي عليكي يوم كمان في الجامعه والله اعلم ايه ال هيحصل لو مروحتيش بكره
كامل كان هيمشي بس حياه مسكت ايده
حياه استني بس يا كامل
انا في موضوع مهم لازم اكلمك فيه قبل ما تروح هناك طيب
كامل لما اجي يا حبيبتي نبقي نتكلم في كل ال انتي عايزاه
كامل مشي من قدامها وحياه راحت وراه وفضلت تكلمه بس هو مكانش بيرد
فاطيمه خرجت من المطبخ وشافت كامل ماشي بسرعه
فاطيمه وهي بتحط الاكل على السفره على فين يا كامل
كامل مشوار صغير يا امي
اكلوا انتو انا هتاخر شويه
حياه يا كامل استني شويه بس
اسمعني وبعد
كامل خرج وقفل الباب وراه
فاطيمه في ايه يا حياه
حياه اتنهدت في أن الحاجة الوحيده ال كامل مش هيبطلها ويكبر على انه يعملها العند
ربنا يستر
فاطيمه يستر على ايه
انا مش فاهمه حاجه
حياه ابنك راح يجيب حاجتي من الفيلا علشان ارجع الجامعة تاني من بكره يا مرات عمي
فاطيمه طيب ما كويس يا حياه
ايه ال مزعلك في كده
حياه ال مزعلني اني معرفش رد فعل داليا لما تعرف أن ابنها عايز يتجوزني
ولما تلاقي كامل قدامها الله اعلم بقي هتعمل ايه
فاطيمه يا حياه خضتيني هتكون هتعمل ايه يعني
وبعدين هو مش مصطفي دا ابنها وهي ممكن تعمل اي حاجه علشانه
اكيد هتوافق وهتحاول تحبك مټخافيش بقي
يلا علشان ناكل بقي
فاطيمه قعدت على السفره
حياه بصاتلها واتنهدت وراحت قعدت قدامها
كريم حياه!!
انت عايز تتجوز حياه
مصطفى وفيها ايه يعني يا بابا
هي حياه دي مش بني ادمه زيها زينا ولا علشان مش من نفس مستوانا
كريم بس انا مقولتش كده
انا اقصد انك انت ال مش مناسب ل حياه
أنا مش مستعد اجوز حياه ال ابوها سايبها امانه عندي لواحد صايع زيك ولا ناجح في دراسته ولا ناجح في حياته كلها اصلا
داليا يا سلام
يعني لو كان مصطفى مهتم بدراسته كنت هتسيبه يتجوز الخدامه ال اسمها حياه دي
كريم مليون مرة اقولك حياه مش خدامه حياه زيها زي نور وزينب
وانا مسمحلكيش انك تتكلم عنها كده
داليا وانا كمان مسمحش انها تكون مرات ابني في يوم من الايام
كريم انا اصلا موافقتش علشان انتي تقبلي
مصطفى ممكن تبطلوا خناق وتسمعوني شويه
انا بحب حياه وهتجوزها يعني هتجوزها
سواء قبلتوا او رفضتوا
دي حياتي انا وانا الوحيد ال اقرر اعيشها ازاي مش انتو
انا روحت وكلمت حياه ووعدتها اني هروحلهم وانتو معايا
ف ياريت يا بابا حضرتك تتصل ب ابن عمها وتحدد معاه يوم علشان نروح نطلب ايديها
لاني هتجوزها يعني هتجوزها
مصطفى سابهم ومشي
كريم هي دي تربيتك ل ابنك
شايفه بيتكلم معانا ازاي
كريم سابها وخرج برا الفيلا
داليا كانت مټعصبه جدا
داليا مش هسمحلك تاخدي مني ابني يا حياه حتي لو وصلت اني امۏتك
نور راحت علي المكتب بتاعها وهي محنوقه
سليم اول ما شافها قام وقف
سليم نور
انتي ايه ال جابك دلوقتي
نور للدرجه دي مش طايق تشوف وشي
سليم ايه الهبل ال انتي بتقوليه دا يا نور
وانا مش هطيق اشوف وشك ليه
انا بس مستغرب انتي ايه ال جابك دلوقتي
نور بصاتله بحزن جيت اشوف شغلي ال أتأخرت عليه
اصل الشغل دا الحاجة الوحيدة ال بقدر اخرج فيه حزني وزعلي
سليم حزنك!
وايه بقي ال مزعلك يا ست نور
سليم قاعد على المكتب بتاع نور ونور قعدت على الكرسي ورجعت راسها ل ورا
نور مشكله حصلت مع قدر اخويا
خلتني أتأكد اننا ملناش حظ في الحب
ولا انا ولا هو
سليم حب
هو انتي حبيتي ولا ايه
نور
مبقاتش فارقه بقي
كده كده انا متحبتش يبقي ملهاش لازمه الإجابة على السؤال دا
مسحت دموعها وابتسمت قوم بقي علشان اعرف اشتغل
انت هتفضل قاعدلي كده ولا ايه
سليم حط ايده على وشها ورفع وشها ال كانت منزلاه في الارض
سليم نور انتي جميله اوي والف واحد يتمناكي
ولو كنتي حبيتي شخص غبي مقدرش يشوف جمالك ويحبك ف انتي لازم تبعدي عنه وتنسيه
وانا واثق ومتأكد أن هيجي يوم وهتحبي تاني
بس ساعتها الشخص ال هتحبيه دا هو كمان هيحبك وهينسيكي ال فات
نور تفتكر
سليم ابتسم انا متأكد
الباب خبط
سليم قام بسرعه ونور وقفت
احمد انا اسف جدا بس انا لاقيت الباب مفتوح ف دخلت
نور لا ولا يهم حضرتك
اتفضل اتفضل
احمد دخل ومد ايده ل نور
احمد احمد التهامي دكتور تجميل
نور مدت ايديها وسلمت عليه اهلا ب حضرتك نور المنشاوي
نور سحبت ايديها بكسوف وابتسمت
سليم ادايق ومد ايده ل احمد
سليم سليم حامد زميل الانسه نور
احمد سلم عليه وسليم ضغط على ايده جامد
سليم اتفضل حضرتك على مكتبي اعتقد اني هفيد حضرتك اكتر من نور
لان نور لسه مبتدئه
نور بصاتله ب استغراب
احمد لا شكرا ل حضرتك
انا جاي مخصوص للانسه نور
نور انا تحت امرك طبعا
اتفضل حضرتك
احمد قعد وسليم كان مدايق جدا
حياه كانت قاعده بتاكل تلفونها اتبعتله رساله
حياه مسكت التلفون وفتحت الرسالة هستناكي الساعه ١٢ في الكافية ال كنتي فيه الصبح
حياه ردت تمام ماشي
مش هتاخر على حضرتك
حياه قفلت التلفون وحطيته جمبها
فاطيمه مين يا حياه
حياه دا واحده صاحبتي في الجامعه يا مرات عمي
الباب خبط
حياه انا هروح افتح
حياه قامت وفتحت