نور وحضرت الظابط ايهم
عايزه اعرف ايه الحكايه بالظبط
ايهم أهدي ... و اقعدي خلينا نتكلم عشان نتفق على الاقل
نور بصيت له و قالت اتفضل سمعاك... ايه المطلوب بالظبط
أيهم انتي هتيجي معايا بيت العيله عندي و تمثلي قدامهم انك مراتي و بتحبيني .. دايبة فيا دوب
نور نعم ايه اللي انت بتقوله ده احنا ما اتفقناش على كده
أيهم احنا ما اتفقناش على حاجه اصلا يا حلوه... و على فكره انا مش بخيرك ... انا بعرفك بس و انتي هتنفذي كل اللي انا بقوله و رجلك فوق رقبتك.
أيهم هتوافقي أحسن ما ترجعي للسجن و ساعتها عقابك مش بس هيكون عن الي عملتيها... لا.... انتي هتتعاقبي كمان على الهروب .. أصلي نسيت اقولك ان هروبك ده ضعف موقفك و مش هيفيدك في التحقيقات... للأسف يا نور أنتي مضطره تسمعي الكلام و ما تنطقيش بحرف واحد...
نور بدأت ټعيط و قالت انت ايه... حرام عليك بتعمل معايا كده ليه.
نور كنت سبتني... كنت سبتني و اكيد كان هيبقى احسن لي ....مش احسن من دلوقتي ما انا هربانه و كمان موقفي بقى ضعيف.... انت بتعمل معايا كده ليه اشمعنا انا
لكنه عاند مع نفسه و قال لها انا مش مطلوب مني ان انا أبرر لك أصلا ...انتي تسمعي اللي انا بقوله و تنفذيه من غير و لا كلمه
نور سكتت و ما كانش قدامها اي حل غير انها فعلا تسمع كلامه لانها لا تقدر ترجع لاهلها و لا ينفع ترجع حتى السچن
عدى يومين و لسه نور محپوسه في بيت ايهم
اللي كان دايما بيراقبها و على طول عينه عليها
لكن نور دايما بتتهرب منه... مابتحبش تقعد معاه و لا تشوفه... كل ما يخلص شغل و يرجع على البيت كانت تدخل اوضتها و تقفل الباب عليها.
و في يوم رجع من الشغل بيدور عليها زي ما اتعود.... ڠصب عنه ابتسم لما شم ريحة طبخ حلوة جايه من المطبخ
شاف نور واقفه وسط المطبخ بتعمل أكل و بتدندن.
أيهم همممم
.. الله..ريحة الأكل تحفه
نور اتخضت و أول ما شافته وشها قلب و رجعت للتكشيرة من تاني.
أيهم أخد باله و اتضايق جدا
أيهم إيه... شوفتي عفريت.
نور لأ.. لا سمح الله..
و كملت
