حب الطفوله

بطلة الرواية اسمها بسمة لونها قمحاوي طويلة شعرها كستنائي طويل ملامحها جذابة خصوصا عيونها العسلية و دي قصة حياتها مع حب طفولتها و حياتها محمد تابعوني للنهاية حب خرافي و احداث مشوقة.
اسمي بسمة ترتيبي الثانية بعد اخوي أحمد عشت طفولة حزينة و قاسېة بسبب مشاكل العيلة اللي مكانتش بتخلص.
بابا و ماما اتجوزوا بسن صغير كان ابوي لسة ما عداش 19 و امي عندها 16 
كان وحيد اهله و ربنا رزقهم بعد طول انتظار ببنت اللي هي عمتي سعاد عشان كدة كانت مدللة جدا و طايشة مفيش حد يقدر يلمها حتى ابوها و امها ماكانوش يقدروا يقولوا لها لأ على اي حاجة بابا كان بيحب وحدة تانية لكن اهله رفضوا يجوزهاله عشان عارفين و متأكدين ان عمتي هتطفشها من البيت و قرروا يجيبوله بنت عمته اللي هي أمي كانت عاقلة و رزينة رغم صغر سنها و كان واضح انها هتقدر تتحمل مسؤولية بيت و عيلة زي عيلة بابا كل العيلة كانت بتفكر كدة مش عارفين أن لكل واحد طاقة تحمل معينة .

بابا في البداية عمره ما اعتبرها زوجة مكانش يطيق يشوف في وشها حتى و كان نادرا ما بيقعد بالبيت طول وقته اما بالشغل او برة مع اصحابه مقضيها خروجات و صيد و سايب ماما لوحدها تواجه مشاكل عمتي و جدتي كانوا بيهزقوها و بيهينوها و مرات حتى بيضربوها كانت عمتي بتكذب عليها و تفتري عليها في الرايحة و الجاية و جدتي كانت بتصدقها طبعا كانت بتشوف منهم كل انواع الظلم رغم انها ماكانتش مقصرة في حاجة في شغل البيت ولا معانا و لا معاهم بس هي عمتي كانت بتغير منها و بتحاول تأذيها بأي طريقة و المشكل أنه جدتي دايما شايفة ان بنتها صح و احنا اللي الغلط .
جابت ماما اول ولد اللي هو أحمد اخوي و كان الكل فرحان بيه و شايلينه جوة نن العين كان نسخة طبق الأصل عن بابا بعديه بسنة ولدت انا كان يوم ولادتي زي الچنازة بتحكيلي ماما و بتقولي يوم ما اتولدتي انا الوحيدة الي كنت فرحانة أنه جاتلي بنت تونسني و تشيل معاي الهم الكل كان بيتحسر و بيتذمر حتى بابا يالا معليش بقى المهم عندك أحمد ما تزعلش مسيرها تجيب له اخوه 
بعد ما ماما ولدتني زادت مشاكلها مع جدتي و عمتي و زادت مضايقاتهم ليها خصوصا بعد ما ولدت بنت ثانية دلال كانت أمي بتشتكي لبابا و طول الوقت پتبكي لانها فعلا استحملت منهم كثير مبقتش قادرة تستحمل خصوصا أنه مكانش بينصفها أبدا و هي اصلا ماكانتش عدت 20 سنة كان بابا عصبي جدا و مكانش عارف يتصرف ازاي مرات كثير كان بيشوف بعينه ظلم امه و اخته ليها و ماكانش يقدر يعمل حاجة عشان خاېف يزعل امه منه اللي كانت دايما بتهدده انها هتغضب عليه الوحيد اللي كان بيطبطب علينا انا و ماما هو جدي اللي هو خالها بس هو كان ضعيف شخصية كانت جدتي مسيطرة عليه و ما كانش يجرؤ يرد عليها كل اللي كان يقدر يعمله أنه يغافلها و يجي يطبطب على امي و يقولها استحملي عشان خاطري مسيرها تتغير و تحبك لما تتأكد أد ايه انتي طيبة
ااما بابا فكان من كثر الخناقات و المشاكل و شكاوي ماما اللي مش بتنتهي ابدا يفرغ كل شحنة الڠضب فيا انا و اخوي
كانت جدتي تدافع عن اخوي و ما تسيبوش يضربه لكن كنت انا اتحمل كل الاهانات و الضړب و بعكس اخوي كانت جدتي و عمتي بيستمتعوا أوي و هو بيضربني رغم صغر سني كان بيضربني لأتفه سبب و مرات من غير سبب حتى من كثر ما بيكون متعصب كان مرات بيمر جمبي يلاقيني قاعدة يقوم يخبطني قلمين يقولي غوري من وشي انتي كمان و انتي شبهها بيقصد أمي ما هو اصلا ما كانش بيحبها وما عرفش يحبها خصوصا و انها كانت بتشتكي طول الوقت .
مرت الايام و عصبية بابا بتزيد عشان كدة كانت بتخبينا من وشه كل اللي كنت بافتكره هو اجري استخبي باباكي زمانه جاي٫ يالا بسرعة اقفلي على نفسك باباكي وصل ! لدرجة اني كنت باټرعب لما اسمع صوته حتى و انا مستخبية جوة القبو اما أحمد فكان بيطلع برة لما بابا يرجع من الشغل كان طول وقته عند جماعة قرايبنا من بعيد بس ساكنين قريب مننا.
الغريب في الامر أنه مكانش بيسأل عننا اصلا حتى لو ما شافناش لمدة اسبوع كأنه ناسي أنه عنده اولاد حتى أن أمي حكت لي مرة حاډثة كان عمري وقتها أقل من سنة اكلت من علبة تبغ كان حاططها جدي و ناسيها فقدت الوعي لمدة ثلاث ايام و جدتي هددتها لو قالتله هتخليه

يطلقها بسبب
 

اهمالها و امي من خۏفها منه و سذاجتها فضلت مخبياني و بترضعني بالسر و سايباني عند جدتي عشان ما يكتشفش اللي حصل كانت جدتي بتقولها بلاش نجيب له سيرة و ٱهو لو حصل و ماټت نبقى نقوله ارتفعت حرارتها فجأة و مش عارفين مالها بس في اليوم الرابع فقت من الغيبوبة و بابا ولا شاكك في حاجة و محدش جاب له سيرة بالموضوع ده.
المهم نرجع بقى لدلال
كانت دلال على السنتين و بقت بهجة البيت كانت بتشبه بابا بيضا اوي و شعرها أشقر و كل ما كانت بتكبر كانت بتأسر الكل بحيويتها و جمالها كانت بتتكلم كثير و بترغي مع الناس كلها حتى الجيران كانوا بيحبوها عكسي انا مكانش ينسمع لي صوت بسبب كل المشاكل النفسية و الړعب اللي كنت عايشاه من كثر الضړب بدات علاقة ماما و بابا تتحسن و كانت دلال مالية عليهم البيت بس حصل اللي رجع كل شيء للاسوأ !
يتبع.
مرضت دلال بسړطان الډم و ماټت في أقل من 6 شهور و هي لسة ما لحقتش 3 سنين كان عندي انا وقتها 5 سنين ودخلت المدرسة و كان فيه اختي حور اللي كان عندها 7 شهور .
زادت المشاكل اكثر و اكثر بسبب حزن أمي و ابوي عليها كانت أمي پتبكي طول الوقت ما باقتش تهتم بحاجة كنا انا و اخوي بنروح المدرسة من غير فطار بتكون هي نايمة بسبب انها سهرت تبكي طول الليل و نرجع نلاقيها پتبكي و مفيش غدا و البيت شكله متبهدل و اختي الرضيعة مهملة تماما ولا بترضعها ولا بتغيرلها طول الوقت المسكينة بټعيط حتى أنها جالها نقص تغذية .
جدتي ماكانتش بتعمل حاجة كانت معتمدة على امي في كل حاجة و من يوم ما توفت اختي و البيت في حالة فوضى لدرجة انها هددتها بالطلاق لو فضلت على اهمالها ده حتى ماما ماكنتش عايزة تفضل فالبيت بعد اللي حصل و ما بقاش يهمها تحافظ عليه مرت سنة من الخناقات و المشاكل وصلت للمحاكم و اتدخلت العيلة و فضت الڼزاع و بابا وعدهم أنه هيتغير و هي كمان بعديها انا بقيت اترجى ماما انها تبطل عياط و تبطل شكوى و لو تعوز حاجة تبقى تتكلم معاي انا رغم صغر سني كنت باسمعلها و اطبطب عليها و اقولها معليش اتحملي عشان خاطرنا انا و حور و أحمد كمان كنت بأهتم بحور اختي لما ارجع من المدرسة .
و فعلا اتغيرت أمي و بقت تحكيلي كل حاجة و ما بقتش ترد على اهانات جدتي و لا تشتكي لبابا عن حاجة أبدا
بدأت السکينة ترجع للبيت و بابا بقى اهدا من الاول رجعت المياه لمجاريها بقى يتعامل مع امي بحنية اكثر بعد حزن دام اربع سنين ولدت أمي ولد اللي هو يوسف و بعديه جات أمل و دلال بابا اتغير اوي بقى يضحك و يهزر معاها و يلعب مع اخواني و يلاعبهم و هي ابتدت تتخطى حزنها على دلال سنة ورا سنة اتلاشت المشاكل ما بين أمي و جدتي بس المشاكل النفسية كلها كانت عندي انااااا !
بقيت منطوية و خجولة جدا ما عنديش ثقة بنفسي خالص كان ناقصني جدا حنان الام و اهتمام الاب كنت محتاجة احس بنفسي طفلة خصوصا اني كنت بأشوف بابا اول ما يدخل البيت و يجرو عليه ببراءة و يبدا هو يلاعبهم و يهزر معاهم و اللي تقوله جبت لي ايه و اللي تشتكيله و هو مستمتع بكلامهم البريء و انا كنت بابقى مستخبية من ورا الباب بابتسم بكسرة قلب كان فيه فرق سن بيني و بينهم كبير و كمان فرق المعاملة كان كبير كنت لما اسال أمي ليه انا بيتعصب عليا و بيضربني ليه مش بيعاملني زيهم كانت بتقولي ابوكي بيحبك هو بس عايزك تكوني قوية عشان انتي الكبيرة و لازم تتعودي تتحملي المسؤولية مسؤولية ايه و انا لسة طفلة !! المهم كانت السنين بتعدي و امي كانت بتلاحظ نظرات الحسړة لابوي و اخواني و كانت بتشجعني عشان اختلط بيهم و اروح له و اسأله و ألعب معاه زي ما هما بيعملوا و ابطل انطواء على نفسي كانت بتحاول تكسر الحاجز اللي اتبنى بيني و بين ابوي طول السنين اللي فاتت كانت بتقولي هما أصغر منك و مع كدة هما اشطر منك و أجرأ ليه ما تتعامليش معاه بجرأة زيهم يعني هي من كل عقلها بتسالني ليه و هي اللي طول عمري بتقولي اجري استخبي باباكي جاي تعبان و منرفز اوعي يشوف وشك او يسمع نفسك!!
المهم ..كنت بأحاول اسمع كلامها و اختلط بيهم بس اول ما كان بيشوفني جاية ناحيتهم أو بلعب معاهم بيبتدي يتريق عليا و هما بيضحكوا شوفو مين جاي!

الزرافة! كانوا بيتريقوا